Nairekord ti 21-K a kaso ti dengue iti pagilian manipud Setyembre 29 agingga Oktubre 12, 2024, sigun iti Department of Health.
Daytoy ket nababbaba iti 8% manipud iti 23, 032 a kaso ti dengue a nailista idi Setyembre a 15-28, 2024.
Gapu iti dayta, dumanonen iti 314, 785 ti kaso ti dengue a nailista iti Pilipinas iti agdamda a tawen.
Bimmaba met ti bilang dagiti pimmusay gapu iti dengue ita a tawen nga addaan iti fatality rate a 0.26% manipud Oktubre 26, nababbaba nu idilig iti 0.34% fatality rate iti kapada a period idi napalabas a tawen.
Kaadoan kadagiti dengue ket nailista sadiay National Capital Region, Central Luzon, ken Calabarzon.
Kabayatanna, manamnama a manayunan pay dagiti kaso ti dengue agsipud ta panawenen iti agdama ti panagtutudo.
Maipalpalagip met ti panakaipatungpal ti 4S strategy a buklen ti Search and destroy breeding places; secure self-protection; seek early consultation; ken support fogging.
