Dumanon iti agarup 14,038 ti kaso ti Dengue a nailista iti pagilian idi Oktobre 12 agingga 25.
Sigun iti Department of Health (DOH), bimmaba daytoy no idilig iti 15,182 idi Setiembre 28 agingga Oktubre 11 iti agdama a tawen.
Kabayatanna, kinuna ti nasao nga ahensia a posible a ngumato ti kaso ti nasao a sakit kalpasan ti maysa a lawas mapud iti panagdalapus ti bagyo a Tino ken Uwan.
Gapu iti dayta, maipalpalagip manen kadagiti tattao ti kanayun a pangipatumpal ti 4Ts wenno ti Taob (overturn), Taktak (shake), Tuyo (dry), ken Takip (Cover) kadagiti posible a mabalin a pagitlogan dagiti lamok.
Maibakbalakad met iti publiko a dagus nga agpakonsulta kadagiti doktor iti kanito a makarikna iti sentomas kas iti rashes, muscle ken eye pain, pannakaulaw ken panagbakwar.
