Nakailistan ti Department of Health iti 25 a kaso ti firecracker-related injuries iti pagilian manipud Disyembre 22 agingga Disyembre 24.
Sigun iti maseknan nga ahensiya, 20 kadagiti biktima ket agtawen iti 19-anyos nga agpababa bayat a dagiti lima a biktima ket agtawen met iti 20-anyos nga agpangato.
Kaadoan kadagiti biktima ket lallaki bayat a dua ti babai.
Manipud iti 25 a pakabuklan a kaso, tallo kadagitoy ket manipud iti siudad ti Baguio.
Nagsagrap dagitoy iti sugat iti nagduduma a paset ti bagida gapu iti iligal a paputok.
Gapu iti daytoy, binalakadan manen ti Department of Health ti publiko a liklikanda nga agaramat iti paputok.
Inyunay-unay ti nasao nga ahensiya a nasaysayaat nu agbuya latta kadagiti community fireworks display nga ipatungpal dagiti eksperto tapno maliklikan ti aniaman nga insidente.
