Dumanonen iti sangapulo ket uppat ti nailista a kaso ti Firework-Related Injury iti rehiyon Cordillera kas maibasar iti kaudian a datos manipud iti Department of Health-Cordillera.
Kaadduan kadagiti ket ti Baguio City nga addaan iti lima nga insidente, Kalinga ken Mountain Province a sag-dua, ken Abra a dua, bayat a maysa idiay Benguet, Apayao ken Ifugao.
Dagiti nadangran iti daytoy ket lallaki a dumanon iti sangapulo ket dua bayat nga innem met dagiti babai.
Uppat kadagitoy ti nadangran iti matana, lima dagiti nagsagrap iti burn injuries nga awanan iti amputation bayat a maysa met ti burn injury nga addaan iti amputation.
Gapu iti dayta, kanayon ti panagpalagip ti Department of Health iti publiko a saan nga agaramat kadagiti aniaman a klase ti paputok tapno maliklikan ti aniaman nga insidente.
