Mapag-amamkan ita ti agtultuloy a pannagngato ti Human immunodeficiency virus wenno HIV iti rehiyon Cordillera.
Sigun kenni Darwin Francisco Babon, National Acquired immunodeficiency syndrome (AIDS) Sexually transmitted infections (STI) Prevention and Control manager ti Department of Health-Cordillera, nakailista ti rehiyon Cordillera iti 1,172 a kaso ti Human immunodeficiency virus (HIV) manipud tawen 1984.
Manipud kadagitoy a bilang, innem a pulo ket lima ti naipadamag a pimmusay iti nasao a virus.
Maibasar iti datos idi bulan ti Hunio iti agdama a tawen, 789 nga indibidual ti agpapaagas ken adda iti anti-retroviral therapy (ART) bayat a 203 nga indibidual ti nangisardeng iti pannakaagasda.
Malaksid iti dayta, ti siudad ti Baguio ti addaan iti kangatuan a kaso nu sadino addaan daytoy iti 679 nga indibidual nga agsagsagapa iti sakit, sarunuen ti Benguet nga addaan iti 179 a kaso, Abra a 150, Ifugao a 49, Kalinga a 46, Mountain Province a 35, ken Apayao nga addaan iti 34 a kaso.
Kaaduan kadagiti kaso ti HIV ket agtawen iti 25-34 nga addaan iti 42 a kaso, sarunuen ti 15-24 nga age group nga addaan iti 31 a kaso.
Adda met ti 20 a kaso para iti 35–49 nga age group, ken maysa ti nailista a kaso iti 15 years old and below nga age group.
Iti panagadu ti kaso ti HIV kadagiti agtawen iti 15-24, ad-adalen ti Department Of Health ken PhilHealth dagiti sumagmamano a solusyon tapnu saan nga agtultuloy ti panagngato ti bilang ti nasao a sakit.
