Kinumpirmar ti mayor ti Talisay City, Cebu a nakairekordda ti kaso ti monkeypox iti lugarda.
Iti social media post, kinuna ni Mayor Samsam Gullas nga adda ti maysa a pasiente a nagpositibo iti viral illness ken pimmusay.
Nupay kasta, kinunana a saan a pimmusay daytoy gapu iti monkeypox virus nu diket gapu iti dadduma pay a komplikasion.
Kinunana a ti pasiente ket nai-quarantine ken saan a nakilangenlangen iti dadduma pay nga indibidual.
Saanen a dinakamat ti nasao nga opisial nu anya ti “gender” wenno tawen ti pasiente.
Iti agdama, awan pay ti statement ti Department of Health- Central Visayas seknan iti nasao a kaso.
Kabayatanna, idiay met Mandaue City, manarimaan ti monitoring ti maseknan nga ahensia iti maipagarup a kaso ti monkeypox, bayat nga idiay Lapu-Lapu City, tallo nga indibidual ti maipagarup nga addaan ti monkeypox ti nagnegatibo iti test.
Idi laeng kalman, nakumpirmar a dua a kaso ti nailista idiay Iloilo.
