Pimmusay ti 19-anyos a lalaki, mannalon ken residente iti Tuba, Benguet kalpasan ti pannakaidumparda iti concrete post ti waiting shed idiay Poyopoy, Taloy sur, Tuba, Benguet idi April 7, 2026.
Iti imbestigasyon ti kapulisan, nakalugan iti motorsiklo ti biktima ken ti kadduana a paturong iti Marcos highway national road.
Nupay kasta, maatap a naawanan iti control ti agtawen iti 19 a driver iti steering wheel bar handle ti lugan a nangitunda iti pannkaidumparda.
Nagsagrap iti traumatic brain injury ti 19-anyos a driver a nangitunda iti ipupusay daytoy.
Adda metten iti nasayaat a kasasaad ti kaddua daytoy a saan a naan-ano. Iti imbestigasyon paylaeng dagiti otoridad, saan a naka-helmet dagiti biktima idi napasamak ti insidente.
Kabayatanna, agpalpalagip dagiti otoridad kadagiti motorista nga agar-armat iti motor nga agusar iti helmet ken agannad iti panagmaneho.//Bombo Noveh Organo
