Ngimmato iti agarup 1,000 ti kaso ti pertussis wenno whooping cough iti pagilian a Pilipinas iti las-ud ti tallo a bulan angingga iti agdama a tawen sigun iti Department of Health itay nabiit.
Maibasar iti kaudian a datos ti nasao nga ahensia, dumanon iti 1,122 ti pakabuklan a kaso a nailista iti nasao a sakit iti intero a pagilian, manipud Enero a uno angingga Marso a trenta iti agdama a tawen.
Iti nasao a bilang, 77 a persiento dagiti ubbing nga agatwen iti nababbaba no iti lima dagiti naapektaran, bayat nga uppat a perciento ti pakabuklan a datos dagiti nataengan.
Sigun pay iti nasao a departamento, dumanon iti limapulo ket uppat dagiti pimmusay iti nasao a sakit ita a tawen, nu sadino agtultuloy ti panagngato daytoy partikuar iti Eastern Visayas, Cagayan Valley, Caraga, Central Luzon, ken iti Cordillera Autonomous Region (CAR).
