BAGUIO CITY – Manamnama nga agtultuloy ti panagbaba ti kaso ti teenage pregnancy iti probinsiya ti Benguet.
Daytoy ket kalpasan a bimmaba ti kaso ti teenage pregnancy iti probinsia ti Benguet a nailista iti dua a naglabas a tawen.
Maibasar iti rekord ti Provincial Health Office (PHO), 1,046 ti bilang dagiti nagpasngay nga agtutubo idi tawen 2017 ken bimmaba daytoy iti 549 a kaso wenno agarup 50% idi 2018 ken bimmaba pay daytoy iti 239 a kaso idi 2019.
Sigun kenni Provincial Health Office Medical Health Officer Antonette Agpas, ti panagbaba ti kaso ti teenage pregnancy ket gapu kadagiti nagduduma a programa nga impatungpal ti gobyerno ken dadduma pay a grupo.
Kiniddaw na met ti tulong dagiti nagduduma a sektor tapno marisut ti pakaseknan iti teenage pregnancy.
