Dumanon Ti 1711 dagiti dimar-ay a sons and duaghther ti alumni ti Philippine Military Academy iti naisayangkat nga alumni homecoming 2025 idi kalman.
Iti napasamak a Philippime Military Academy Alumni Homecoming 2025, nakomendaran ti “oldest present alumni” manipud iti class of 1961 bayat a ti youngest alumni ket ni Roland Bautista manipud class of 2024.
Napadayawan met dagiti Jubilirians kas kadagiti PMA Mulawin class of 1965 no sadino agarup sangapulo dagitoy; ti Makabayan class of 1975 no sadino ket dumanon dagitoy iti agarup uppat a pulo dagitoy ken ti Sadhayan class of 2000 no sadino ket dumanon dagitoy ti agarup sangagasut.
Ti class of 1965 ket nakaawat iti diamond medal bayat a ti class of 1975 ket naipaayan iti gold medalo ken ti class of 2000 ket naipaayan iti silver medal.
Iti mensahe ni VADM Caesar Bernard Valencia PN, Superintendent ti Philippine Military Academy, agyamyaman daytoy kadagiti amin nga annak ti PMA wenno alumni a dimar-ay ti alumni homecoming gapu ta ti presensya dagitoy ket mangipalagip iti kinabilleg, kinapigsa ken panagkayakaysa ti tunggal maysa.
Iti sabali a bangir kinuna ni Cavalier Raul Gonzales, class of 1975, Chairman ken CEO ti PMAAAI 2024-2025 uray sadino man ti ayan ken ar-aramiden dagitoy ket kanayun a laglagipenda dagiti Ideals ti PMA kasta met ti sinapataan dagitoy nga agbiag kas leaders of honor, warriors of peace ken guardians of nations.
Kabayatanna, dimar-ay met ti maysa kadagiti nalatak a senator iti class of 1987 iti nasao nga Alumni ken ti Mayor ti Syudad class of 1982.//Bombo Noveh Organo
