Nagbalin a White Jersey Holder ti kaubingan a partisipante ti Tour of Luzon ita a tawen. Nabigibig daytoy a ni Yusef Ibrahiem Alrefai , 19-anyos manipud sadiay Siberia.
Ti White Jersey Holder ket mabigbigbig kas best rider ken kaubingan iti nasao a cycling race.
Sigun kenni Ibrahiem, daytoy ti umuna a pannakaikarerana iti pagilian a Pilipinas.
Innayunna a narigrigat ti bike racing iti Tour of Luzon no idilig iti pagilian dagitoy a kadawyan a flat terrain laeng.
Nupay kasta, nangipaay kenkuana iti kompiansa ti panagballigina iti stage 1. Naragsak met daytoy a a nakisalip ken iti gundaway a naipaay kenkuana.
Kabayatanna, napadayawanan ni Ibrahiem kas Tour of Luzon 2026 Best Young Rider.
Malaksid iti dayta, third placer metlaeng daytoy iti Individual Overall General Classification podium.
Maipalagip a nagrugi idi April 29 ken nagleppas ti Tour of Luzon 2026 iti May 13 iti siudad ti Baguio no sadino agarup 70 nga elite cyclists ti nakipartisipar. //Bombo Noveh Organo
