Manamnama a maisayangkat ti kaunaan a Benguet Coffee – Cacao Quality Competition inton Marso.
Addaan daytoy iti tema a Brewing Prosperity in Coffee and Cacao for HEATHER Benguet ken nailatangan iti pondo nga agarop ₱400K.
Ti nasao nga aktibidad ket panggep ti lokal a gobyerno ti probinsya a ma-institutionalize tapno maisayangkat iti tunggal tawen ken tapno maaddaan ti gundaway dagiti coffee ken cacao farmers nga ipakita ti kabaelanda nga agpata-ud iti naimas a kape.
Naituding ti submission of entries kadagiti municipal agriculture offices inton March 2 agingga March 6; maisumitir amin dagitoy iti Provincial Agriculture Office inton March 9; maangay ti Coffee and Cacao grading inton March 10 agingga March 12; March 14 agingga March 15 met ti roasting;March 17 ti cupping iti fragrance wenno aroma,flavor,aftertaste ken acidity; bayat a maangay ti awarding inton March 24.
Mangnamnama ti lokal a gobyerno a babaen iti nasao a programa ket ad-adu pay dagiti maguyugoy nga agmula ken agnegosyo iti kape ken kakao.
Mainaig iti dayta, kinuna ti Provincial Agriculture Office nga adda iti ti nasurok 1 million a kayo ti kape a nakamula iti nagduduma a lugar iti probinsya.
Rumrumwar met iti datos a kaauduan a farmers ket manipud kadagiti munsipyo ti Atok,Tublay,La Trinidad, ken Bokod bayat a kaadwan met a farmers iti Cacao ket manipod kadagiti munsipyo iti Sablan,Tuba,Tublay,Itogon,ken idiay metlaeng Atok.//Bombo Jerwin Aquino
