Saan a ninamnama ni Atty. Dexter Ngipol, Jail Chief Inspector City Jail Warden ti Bureau of Jail Management and Penology (BJMP) Male Dormitory a dumanon iti agarup 700 ti nakipaset iti kaunaan a BJMP Fun Run for a Cause “Takbong Pogi” ita nga aldaw.
Sigun kenkuana na-acheive dagitoy ti targetda a mairaise babaen ti funrun para kadagiti dua a benipisyaryo dagitoy.
Sumagmamano kadagiti nakipaset ket nagtaod pay manipud iti nagduduma a lugar, organisayon ken ahensya kas iti BJMP National Headquarters, BJMP Region 1 ken 3, BJMP NCR, Baguio City Police Office, private groups wenno organization, individuals ken daduma pay.
Kaubingan a nakipaset iti nasao nga aktibidad ket maysa a lalaki nga agtawen iti innem bayat a ti kataengan met ket maysa a babae nga agtawen iti 71, nakipaset mwt ditoy ti maysa a miyembro ti LGBTQ ken maysa kadgaiti participants metleng ti nasao nga aktibidad ket maysa a cancer survivor.
Agyamyaman met ni Ngipol kadagiti amin a nakipaset iti nasao nga aktibidad para iti balligi a pannakaipatungpal ti kaunaan a BJMP Fun Run for a Cause “Takbong Pogi” // Bombo Noveh Organo
Mainaig iti dayta . .
Nakapagpyansan ken nakaruaren iti pagbaludan ti maysa a lalaki a Persons Deprived of Liberty (PDL) , agtawen ti 59 ken bedridden iti agarup innem a bulan a maysa kadagiti benipisyaryo iti kaunaan a BJMP Male Dormitory Fun Run for a Cause.
Sigun kenni Atty. Dexter Ngipol, Jail Chief Inspector City Jail Warden ti Bureau of Jail Management and Penology (BJMP) Male Dormitory nga idi paylaeng kalman a nakaruar daytoy no sadino intulodda pay daytoy iti mismo a pagtaenganda.
Impeksa met ni Ngipol nga inreferda ti nasao a lalaki iti Health Center ti barangay nga akin sakop iti pagnanaedanda ken agtultuloy latta ti panagmonitorda kenkuana.
Maipalagip a simmango ti nasao a lalaki iti kaso ti pananglabsing iti Sec. 5 ken 11 ti Republic Act 9165 wenno Comprehensive Dangerous Drugs Act of 2002 no sadino awan ti nairekomendar a pyansa daytoy.
Nupay kasta, gapu iti kasasaad daytoy, napatgan a makapagpyansa daytoy iti P60,000.
Kabayatanna, inayon ni Ngipol a naipaayda metten ti financial support para iti maikadua a benepisyaryo dagitoy a personnel metlaeng ti BJMP Male Dormitory para iti agtultuloy a pampaagasna kalpasan a naipasidung daytoy iti sumagmamano nga operasyon gapu iti nakaro a pannakadunorna iti maysa nga aksidente no sadinno natamaan ti ulona. //via Bombo Noveh Organo
