Manarimaan paylaeng ti imbestigasyon dagiti otoridad iti gapuanan ti napasamak nga uram idiay Block 4 East Quirino Hill rabii idi January 12.
Iti panakiuman iti Bombo Radyo kenni Fire Officer 3 Jegar Velasco iti Bureau of Fire Protection- Quirino Hill Substation, kinunana a naireport kadakuana ti inidente 7:54 (19:54) iti rabii idi Lunes a nakairamanan ti maysa a residential a pasdek.
Sigun kenni Velasco, 8:16 (20:16) idi nakontrolda ti uram ken naideklara ti fireout iti 8:45 (20:45) iti kapada a rabii.
Iti agdama,dumanon iti P18,000 ti mapatta-patta a danyos wenno ti estimated cost of damage daytoy ken awan ti nailista a nadangran manipod kadagiti miembro iti pamilya a naapektaran.
Ti nasao nga uram ti kaunaan nga insidente a naireport iti nasao nga istasyon iti iti Bureau of Fire Protection-Baguio ita tawen.
