--Ads--
Agtaltalinaed a nakarekep ti Kennon Road kadagiti motorista gapu paylaeng iti panagreggaay dagiti bato ken daga idiay Camp 5, Tuba, Benguet kagiddan ti bagyo a Pepito.
Gapu iti dayta, mapalpalagipan manen dagiti motorista a suruten dagiti pagalagadan ti lokal a gobierno tapno maliklikan ti aksidente.
Malaksid iti dayta, mabalballagan metlaeng dagiti umili iti asideg ti Kennon Road nga agbalin a naridam ken agbakwit no kasapulan.
Iti agdama, agtultuloy latta ti panagmonitor dagiti barangay officials pakairamanan dagiti pulis iti sitwasyon dagiti nagduduma a paset ti Kennon Road.
