--Ads--
Nakalukaten ti Kennon Road iti publiko wenno kadagit motorista ita nga aldaw.
Daytoy ket kalpasan ti dagos a pannakaipatungpal ti “clearing operation” wenno panaglinis dagiti otoridad.
Nupay kasta, mabalballaagan latta ti publiko nga agbalin a naridam wenno nasiput iti posible a panagregaay ti daga ken panagtinnag ti bato.
Ipalpalagip metlaeng dagiti otoridad ti panagsuot ti helmet nangruna kadagiti nakamotor a dumalyasat.
Iti nasapsapa nga oras, nagreggaay gamin ti daga ken natnag ti bato idiay Camp 5, Tuba, Benguet.
Gapu iti dayta, binallaagan dagiti otoridad ti publiko wenno motorista a dumalan paylaeng iti Marcos Highway wenno Naguilian Highway nangruna dagiti dadakkel a lugan.
Iti agdama, nalinisen ti nasao a dalan.
