Sinungbatan ni mayoral candidate Albuera, Leyte a ni Kerwin Espinosa ti komento ni Leyte Representative Richard Gomez, a nangibaga itay laeng nabiit a ti kaudian nga insidente ti pammaltog a nakairamanan ni Espinosa ket pabuya laeng.
Sigun kenni Espinosa, saan nga “acting” ti napasamak, ken kinunana a saanda nga agpada nga artista.
Kinuwestunar ni Espinosa ti mapapati a presensia dagiti pulis ti Ormoc iti nakapasamakan ti insidente.
Ngem impaganetget met ni Gomez nga “scripted” ti napasamak nga “ambush me” scenario, ken kinunana a saan a nasayaat ti pannakaaramid daytoy.
Bayat a saan pay a nagkomento ni Gomez kadagiti kaudian a pammabasol ni Espinosa, immun-una a kinuna ni Gomez nga agur-urnong paylaeng kadagiti pudno nga impormasion ken mangbangbangon iti timeline dagiti pasamak.
Agtaltalinaed a patien ni Espinosa a ti panagatake kenkuana ket “politically motivated.”
