BAGUIO CITY – Inlawlawag ti Baguio-Benguet Medical Society (BBMS) ti kidkiddawen a ‘time-out’ dagiti nagduduma a medical groups ditoy siudad iti Baguio.
Sigun kenni Dr. Pearl Joy Solimen, presidente ti BBMS, ti ‘time-out’ a kidkiddawen dagiti medical groups ket ti panaginana iti sitwasyon ti siudad seknan iti panagngato ti kaso ti COVID-19 ken iti serbisyo nga ipapaayda kadagiti umili.
Kinunana a tarigagayda laeng nga isubli ti naing-inget nga implementasyon ti health protocols tapno saan unay a ngumato ti kaso ti COVID-19.
Dinakamat ni Dr. Solimen a ngumatngato ita ti kaso ti COVID-19 kadagiti health workers.
Imbinglayna nga am-ammuendan ti opinyon ken rekomendasyon dagiti nagduduma nga stakeholders tapno maipaayan iti solusyon ti ngamatngato a kaso ti COVID-19 iti siudad ti Baguio.
Kiniddawna pay ti agtultuloy a panagtungpal dagiti amin nga umili ti siudad kadagiti health protocols kontra iti COVID-19.
