BAGUIO CITY – Nalidem wenno imposible a mapatgan ti kiddaw dagiti transport group ditoy lokalidad a saan a panakaituloy ti public utility vehicle (PUV) modernization program ti gobyerno.
Impetteng ni Department of Transportation (DOTr) – Cordillera regional Director Atty. Jose Eduardo Natividad a pursigido ni Presidente Rodrigo Duterte iti nasao a programa isut gapuna nga awan ti mabalinan iti daytoy.
Kinunana a nasken a makontrol ti asok dagiti daan a lugan ditoy lokalidad.
Dinakamatna a maikadua ti rehiyon Cordillera iti entero a pagilyan kadagiti addaan iti nangato wenno adu a bilang dagiti nakemmeg gapu iti nagduduma a panaglabsing iti linteg.
Innayonna a dagiti nasao a panagkemmeg ket gapu iti panagsuot dagiti drivers iti tsinelas, saanda a panagsuot iti seatbelt, uniporme ken dadduma pay a panaglabsing iti linteg.
