BAGUIO CITY – Inkalintegan ti Abra Police Provincial Office nga awan ti panakainaiganna iti eleksion dagiti nagsasaruno nga insidente ti pammaltog a napasamak sadiay Pilar ken Bangued, Abra itay nabiit.
Impatangken ni PMaj. Edwin Sergio, panakangiwat ti Abra PPO, a natalged ti probinsia nu maipapan iti eleksion gapu iti agtultuloy a panagbantay dagitoy.
Dinakamatna a kaadoan kadagiti kandidato nga agngayngayangay iti kina-mayor, kina-bise-mayor ken kina-konsehal ket awan ti kaballubal dagitoy.
Iti baet ti daytoy, impetteng ni Sergio nga ad-adda pay nga ingetanda ti panagwanawanda kadagiti politiko nga addaan ti private body guard tapno maliklikan ti panakapasamak ti insidente ti pammaltog.
Maibasar iti kaudian a datus, adda ti 38 nga active ken potential politicians sadiay Abra nga addaan ti private body guard a bambantayan ita ti Abra PPO.
