Nagpalagip ti Department of Health iti publiko, iti regular a panagdalus ken panangtaripato kadagiti pool, tapno bumababa ti risgo ti impeksion ken waterborne disease ita a nabara ti panawen.
Sigun kenni Ted Herbosa, Secretary ti Department of Health, mabalin a makaala ti sakit iti kudil ken panagtakki no aksidente a makainum ti maysa nga ubbing, iti kontaminado a danum.
Malaksid iti dayta, maipalpalagip pay iti publiko a liklikan ti kaadda ti adu a pamilia iti maysa nga inflatable pool, tapno maliklikan ti bacteria manipud kadagiti ihi, rugit, ling-et ken tupra a mabalin a mayakar babaen ti danum.
Kabayatanna, mabalin a mai-report iti Department of Health dagiti swimming pool a saan a regular a matartaripato para iti water testing ken kinatalged ti publiko.
