Nangipila ti National Bureau of Investigation (NBI) ti ethics complaint sakbay iti House of Representatives kontra kenni Cavite 4th District Representative Kiko Barzaga gapu iti maatap a peke ken misleading social media posts daytoy seknan iti napasamak a gulo idiay senado idi Mayo 13.
Sigun kenni NBI Director Melvin Matibag, nagramot ti reklamo kadagiti nagsasaruno nga online posts ni Representative Barzaga no sadino inakusaranna ti nasao nga ahensiya iti maatap nga assassination kabayatan iti komosyon idiay senado idi nagparang ni Senator Bato Dela Rosa idiay senado.
“He’s somehow accusing that the members of the NBI [ay] pumasok sa Senate to attempt an assination to some of the senators,” sigun kenni Matibag.
Naisumitir idiay House of Representatives ti nasao nga ethics complaint pakairamanan ti siyam nga screenshots ti pablaak ni Representative Barzaga.
Karaman metlaeng ditoy ti livestream a nairekord iti ruwar ti Senate premises.
Impakaammo metlaeng ni Matibag a kidkiddawen ti NBI ti pannakaikat ni Barzaga manipud iti kongreso.
Imbinglay ni Matibag a nupay bigbigbigen ti konstitusyon ti freedom of expression, adda ti limitasyon daytoy nangnangruna nu adda dagiti seryoso nga alegasyon.
Impakaammo metlaeng daytoy nga agisagsaganada pay ti kaso a kriminal kontra kenni Barzaga a maipila met iti Department of Justice para iti inciting to sedition.
Kabayatanna, nangipablaak met ni Representative Kiko Barzaga iti social media account daytoy kas sungbat no sadino inakusaranna a ni President Ferdinand Marcos, Jr. ti nangipaulog ti direktiba a pilaanda daytoy iti kaso.
“Inutusan ni Marcos ang NBI na mag file ng Ethics Complaint laban sakin, mukhang naapektuhan siya sa pagbaba ng trust ratings niya,” sigun kenni Barzaga. //bombokaren.c.sapirao
