--Ads--
Impeksa ni NBI Director Melvin Matibag a saan a naklaat iti panangilibak ni Vice President Sara Duterte a kukuana ti lote a masuksukimat sadiay Barangay Catigan, Davao City.
Sigun kenni Matibag, addaan dagitoy iti nalawag nga ebidensia isu’t gapuna a nasaysayaat no personal a mabisita ti nasao a lote.
Naideklara daytoy kas agricultural land iti SALN ti Bise Presidente, ngem naduktalan ti NBI a maatap a maysa daytoy a resort.
Mainaig iti daytoy, insubmitir ti NBI dagiti naurnong nga ebidensia iti Office of the Ombudsman.
Innayon ni Matibag a no kasapulan a mapaayaban ni Duterte, ti Ombudsman ti mabalin a mangipaulog iti subpoena agsipudta daytoy ti addaan iti hurisdiksion iti nasao a kaso.
