Sinublian ni Senator-Judge Pia Cayetano ti shooting incident a napasamak idiay senado kabayatan iti maika-siyam nga aldaw ti impeachment trial ni VP Sara.
Karaman gamin ti National Bureau of Investigation (NBI) iti nasao a shooting incident.
Iti interjection ni Sen. Cayetano kenni NBI Director Melvin Matibag, dinamagna daytoy seknan iti napasamak a shooting incidente idiay Senado idi Mayo no sadino naaddaan iti warning shots iti nagbaetan ti tropa ti Office of the Senate Sergeant-at-Arms ken NBI .
Sigun kenni Matibag, awan daytoy iti senate premises iti napasamak ti nasao nga insidente. Innayonna pay a nu apay nga ada dagiti tauhan ti NBI idiay GSIS building ket gapu iti kiddaw ni GSIS President Jose Arnulfo Veloso kadakuada isecure ti nasao a lugar.
Gapu ta naglepas ti oras, kinuna ni Sen. Cayetano a mabalin na nga ipakita dagiti video nu kayat daytoy a makita dagiti dadduma a senador.
Kabayatanna, imbinglay met ni Atty. Reginald Tongol, pannakangiwat ti impeachment court a saan daytoy a mabalin nga agkomento nu anya ti motibo ti panangdamag ni Sen. Cayetano.
Nupay kasta, para kenkuana, nalabit a padpadasen laeng ni Sen. Pia nga kitaen nu mapagtalkan ni Director Matibag kas testigo.
Innayon ni Tongol a paset amin daytoy ti proseso tapno maamuan nu ti maysa a testigo ket mapagtalkan ken nu kasanu kadagsen ti mabalina nga ipaay a detalye. //bombokaren.c.sapirao
