Iberberipika ita ti National Bureau of Investigation (NBI) ti report a naimatangan ni Senator Ronald Bato Dela Rosa iti maysa a yate paturing iti saandan a dinakamat a probinsya
Sigun kenni NBI Director Melvin Matibag, iberipikada pay laeng ti nasao nga impormasyon gapu ta posible a panggep ti nasao a report nga lito-en dagiti otoridad a nabilin a mangaresto iti senador.
Daytoy iti tengnga ti sangsangwen ti senador nga arrest warrant manipud iti International Criminal Court (ICC) seknan iti nagbalin a papelna iti War on Drugs ti maudi nga administrasyon.
Maipalagip a saanen a nakita iti publiko ti nasao a senador kalpasan iti iruruwarna idiay Senado parbangon ti Mayo 14, sumagmamano nga oras kalpasan iti pinnaltog a napasamak iti senate premises.
Iti agdama, mannarimaan pay laeng ti nationwide manhunt ken Senator Dela Rosa. //bombokaren.c.sapirao
