Inkari ti National Bureau of Investigation (NBI) nga ituloyda ti imbestigasyon iti maatap a korapasyon iti 2019 Southeast Asian Games.
Daytoy ket kalpasan nga inlaksidda ti statement ni Senator Alan Peter Cayetano no sadino, inawaganna ni NBI Director Melvin Matibag iti cartoon character a “Minion”.
“Kahit anong isip ko po, eh, hindi pwedeng manahimik sa nangyayari sa ating bansa. So, ang nangyayari po ngayon ay may mga mastermind talaga at may mga minions. So, soot kong t-shirt today ay dedicated po sa mga minions. Alam nyo naman ang pangalan ng mga minions, di ba? Pero itong isa, ito yan. Yang minion na yan, pangalan yan ay Melvin. So, shout out sa iyo ngayong Sunday na to, Melvin the Minion,” sigun kenni Cayetano
Sigun iti NBI, saanda a sungbatan ken saanda a maupay iti insawang ni Cayetano.
Innayon ti ahensiya a ti trabaho daytoy ket naibasar laeng iti ibendinsya, dokumento ken iti linteg no sadino, saan a maapektaran iti ayaman a “name-calling”.
Impaganetget ti NBI a saan a sungbatan ni Director Matibag ti interest ti maymaysa laeng a tao, malaksid iti interest ti publiko.
Kabayatanna, inyunay-unay ti ahensiya nga aramiden ni Director Matibag ti trabahona a kas iti namnamaen dagiti Pilipino uray no maawagan man daytoy iti anya man a nagan.
