Inyunay-unay ni President Ferdinand “Bongbong” Marcos, Jr. ti loyalty ken integridad iti mensahena para kadagiti Philippine Military Academy Graduates ita a tawen kabayatan iti PMA “Talang Dangal” Class of 2026 idiay Fort General Gregorio H. del Pilar, Baguio City.
Pinalagipanna dagiti naggraduar a ti loyalty dagitoy ket para iti sibubukel a nasyon ken saan nga iti asinoman nga indibidual wenno iti political interest.
“As you take your oath today, remember that your loyalty is not to any political interest, not to any individual, nor any passing ideology. Your loyalty must always remain with the Republic of the Philippines,” sigun kenni President Ferdinand Marcos, Jr.
Pinalagipanna pay dagitoy nga agtalinaed a napudno iti trabahoda nga agserbi kadagiti Pilipino iti baet dagiti posible a karit a sanguwenda.
Inyebkas pay ti nasao a presidente ti talekna iti kabelan ti PMA Talang Dangal Class of 2026 nga agserbi nga addaan panagayat iti pagilian para iti nalatged, natalna, ken natibtibker pay a Pilipinas.//bombokaren.c.s
