BAGUIO CITY – Opisyalen a nadutukan ni BGEN Select Leah L. Santiago PA kas baro a Commandant of Cadets ken Head, Tactics Group ti Philippine Military Academy idi Oktubre 17, 2026.
Inpreside ni Ltgen Michael Logico PA, Superintendent, PMA ti seremonya ti change of command.
Ni BGEN select Santiago ti kaunaan a babae nga agtugaw iti nasao a position sipud nangrugi ti nasao nga akademya.
Malaksid iti dayta, daytoy metlaeng ti kaunaan a babae a naggraduar kas Summa cum laude iti PMA a miembro ti “KALASAGLAHI” Class of 1997.
Kalpasan a naggraduar daytoy nacommisioned kas 2nd Liutenant iti PMA ken naasign kas Executive Officer ken Platoon Leader ti Bravo Company, 30th Infantry Battalion, 4th Infantry Division agingga a nagbalin a company commander iti nasao a unit.
Nangala pay ti naduma-duma a local ken foreign course ni Santiago tapnu ad-adda a mapasayaat ti superior competence daytoy kas iti Field Artillery Basic and Advance Course at Combat Arms School, TRADOC and Military Intel Officer Course ken dadduma pay.
Idi CY 2016-2019, nagbalin daytoy a Senior Tactical Officer iti PMA sakbay a naiyakar iti Philippine Army kas Commanding Officer ti 9FAB (P), AAR PA agingga 2020.
Nagbalin metlaeng nga executive officer iti Office of the Assitant Chief of Staff for Personnel, G1, PA sipud 2020-2023 agingga a nagbalin a deputy manipud Feb. 8 2023 agingga Feb. 28, 2025.
Malaksid iti dayta, nagbalin metlaeng a director ti Personnel Management center iti PA Manipud Feb 28 agingga August 15, 2025 sakbay a nagbalin assistant chief of staff personel ti G1, PA idi July 17 agingga iti agdama.
Nagkari ti nasao nga opisyal nga igiya-na dagiti kadete iti panagbalin nga officers of character, competence and commitment. //Bombo Noveh Organo
