Inyunay-unay ti maysa a World War 2 Veteran ti kinapateg ti Reserved Officer Training Corps wenno ROTC.
Iti pannakiuman ti Bombo Radyo kenni Ernesto Luis Sr., 98 years old a World War 2 Veteran, kinunana a ti pannakipaset dagiti agtutubo iti ROTC ket napateg tapno adda ti mangidepensa iti pagilian a Pilipinas nangnangruna manipud iti pagilian a China a panggepda a mang-agaw iti teritoryo ti Pilipinas.
Innayonna pay nga agbalin a situtulnog dagiti agtutubo a makipasset iti daytoy.
Maipalagip nga addan dagiti immunan a singasing a maisubli ti mandatory reserved officer training corps para kadagiti senior high school ngem saan daytoy a na-ap-aprubaran gapu iti sumagmamano a pakaseknan dagiti sumagmamano a sektor.
Kabayatanna, inyebkasna metlaeng ti panagyamanna iti Namarsua gapu ta agingga ita ket sibibiyag paylaeng daytoy.
Naibinglayna a maysa daytoy a kaubingan kadagiti kaduana a veterans idi kasagsagan ti World War 2.
