Rumrumuar iti panagwanawan dagiti maseknan nga otoridad a ti kinarigat ti panagbiag ti rason nga immadu ti marijuana plantation sites iti probinsiya ti Benguet.
Sigun kenni PMaj. Edwin Sergio, public information officer ti Benguet Provincial Police Office (BPPO), sigud a mannalon ti nateng dagiti dadduma ngem napadas da a nakalako iti dakkel a gatad ti kuarta gapu iti marijuana.
Innayon ti opisial a kastoy metlaeng ti makitkitada a rason no maipapan iti Shabu.
Sigun kennim PMaj. Sergio, bassit a gramo laeng ti makomkompiskarda kadagiti napalpalabas a buy-bust ngem ita imad-adu en daytoy.
Maingipasimudaag nga adu ti agsubsubli iti panagilako wenno illegal drug transactions.
Kabayatanna, naipaingetan ti Information, Education, and Communication (IEC) nga ipatpatungpal dagiti otoridad kadagiti barangay, pagadalan ken dadduma pay.
Kidkiddawen pay ni PMaj. Sergio kadagiti umili iti probinsiya nga isardengdan ti pangmula ken panagilako iti illegal a droga.//Bombo Noveh Organo
