Simmuko ni Kingdom of Jesus Christ (KOJC) leader Apollo Quiboloy, kalpasan nga impaayan ti Philippine National Police iti Ultimatum iti las-ud ti baente kwatro nga oras.
Apaman a saan nga agsurrender daytoy iti las-ud ti nasao nga oras, kapilitan a sekren dagiti otoridad ti maysa a pasdek iti Kingdom of Jesus Christ Compound a saanda a napalubasan a serken.
Sigun kenni Philippine National Police spokesperson Police Colonel Jean Fajardo, nangrungi ti negosasion iti pasado ala una ti malem idi kalman, sakbay a nagsurrender ni Quiboloy iti Intelligence Service of the Armed Forces of the Philippines (ISAFP).
Karaman kadagiti naarestar dagiti personal assistants daytoy a ni Jackielyn Roy, Ingrid Canada ken dagiti dua nga indibidual a da Crisente Canada ken Syliva Cemañes.
Iti agdama, adda ita iti kostudiya ti Philippine Natioanl Police Custodial Facility Camp Crame idiay Quezon City ni Quiboloy kalpasan a naiturong daytoy idi kalman iti Metro Manila babaen iti convoy ti Philippine National Police Custodial Facility Camp Crame.
Maipalagip a sumangsango ni Quiboloy iti kaso nga Special Protection of Children Against Abuse, Exploitation, and Discrimination Act ken non-bailable qualified human trafficking charge.
