Naipaima iti Philippine National Police Custodial Facility Camp Crame ni Kingdom of Jesus Christ leader Pastor Apollo Quiboloy, kalpasan a nagsurrender daytoy ita nga aldaw kalman.
Sigun kenni Atty. Ferdinand Topacio, nagsurrender ni Quiboloy kadagiti kameng ti Intelligence Service of the Armed Forces idiay Kingdom of Jesus Christ Compound sadiay Davao City.
Naiturong ni Pastor Apollo Quiboloy iti Metro Manila ita mentaeng nga aldaw ken naipan iti Philippine National Police Custodial Facility Camp Crame babaen iti convoy.
Karaman iti nasao a convoy ti sumagmamano a lugan ti Philippine National Police, dua a coaster vehicle, ken sumagmamano a civilian vehicles nga addaan iti emergency lights.
Mapapati a nagdissaag ti eroplano a mapapati a naglugan ni Quiboloy iti Villamor Air Base iti pasado alas otso ti rabii itay nabiit.
Maipalagip a sumangsango ni Quiboloy iti kaso nga Special Protection of Children Against Abuse, Exploitation, and Discrimination Act ken non-bailable qualified human trafficking charge.
