--Ads--
Binilin ti korte ti panakaiyakar ni Kingdom of Jesus Christ (KJOC) leader Pastor Apollo Quiboloy iti Pasig City Jail, sigun iti Philippine National Police ita nga aldaw.
Sigun kenni Philippine National Police Spokeperson Police Brigadier General Jean Fajardo, iti oras ti alas kwatro ita a malem ti panakaiyakar ni Quiboloy kas maibasar iti court order.
Iti agdama, ni Quiboloy ket adda iti kustodiya ti PNP Custodial Center in Camp Crame sadiay Quezon City ngem daytoy ket agnanaed iti Philippine Heart Center para iti medical furlough.
Maipalagip a ni Quiboloy ket sumangsango iti kaso a human trafficking, Republic Act 7610 wenno ti Special Protection of Children Against Abuse, Exploitation, and Discrimination Act ken daduma pay.
