Naiyuswat ti Benguet Agri-Pinoy Trading Center (BAPTC) clinic idi kalman iti parking area ti Benguet Agri-Pino Trading Center kagiddan iti maikasangapulo nga anibersaryo dagitoy ita a lawas.
Sigun kenni Ruth Diego, Director ti Agri-based Technology Business Incubator/Innovation Center (BAPTC), ti nasao a clinic ket paser iti food safety, health promotion ken emergency response program ti trading center.
Kinunana pay ni Diego a napanunotda nga agipasdek iti clinic sadiay tapno maaywanan dagiti kliyente dagitoy kas kadagiti traders ken dadduma pay ken tapno maipaay ti anyaman a kasapulan dagiti traders ken buyers nu maipapan iti salun-at kas kuma kadagiti natalimudaw, addaan highblood ken dadduma pay nga emergencies.
Impeksa metlaeng ti nasao nga opisyal a ti panangipasdek iti nasao nga proyekto ket babaen iti partnershipda iti College of Nursing ti Benguet State University ken University Health Services.
Inlawlawag pay daytoy a ti nasao nga unibersidad ti nangisingasing iti nasao a proyekto no sadino willing met dagitoy a mangsuporta.
Mannarimaan meten ti procurement ti nasao a proyekto ket bayat a maururay daytoy, araramatenda pay laeng ti maysa nga stall iti parking area kas temporary clinic.
Dumanon met iti agarup 1-Milyon ti budget para iti nasao a building.
Kabayatanna, nangrugi metten ti training para kadagiti staffs ti BAPTC para iti first-aid wenno response ti anyaman nga emergency iti trading post.
Maipalagip a sinelebraran ti Agri-based Technology Business Incubator/Innovation Center (BAPTC) ti maika-10th anniversaryda idi laeng kalman. //BomboNoveh
