BAGUIO CITY – Ngimmato ti volume dagiti basura a makolkolektar iti Baguio City
Iti interview ti Bombo Radyo Baguio ken General Services Office head Eugene Buyucan, immado dagiti tao a sumangsangbay iti syudad
Malaksid iti dayta, kinunana a nagsubli dagiti studyante kadagiti boarding houses.
Gapu iti dayta, kinunana a ninamnama da iti panangngato met ti volume dagiti basura a makolektar dagitoy
Mainaig iti dayta, imbinsana a nadadael ti lima kadagiti garbage truck nga ar aramaten dagitoy.
inlawlawagna a nalaka a madadael dagiti truck ti GSO gapu ta basura ken nadagsen dagiti karga daytoy iti panagbyahe
Nupay kasta, kinunana a manamnama a makaawatda manen iti dua a kanayunan ken baro a garbage truck ita a tawen.
Dinakamatna a manarimaan paylaeng iti bidding process ti dua a truck ngem posible a maawatda daytoy inton sumaruno a bulan
Iti baet ti dayta, kinunana nga awan met iti pannakadelay ti koleksyon iti basura malaksid laeng nu panawen iti panagtutudo
Inaklonna a marigatanda nga agkolektar tunggal panagtutudo gapu ta dumagsen dagiti basura ken adda pay dagiti saan a segregated.
Gapu iti dayta, namingsan manen nga immapela ni Buyucan iti publiko iti umno a panangisina kadagiti basura dagitoy tapnu matulungan dagiti agkolkolektar ken mapapartak iti proseso ti collection.
