Naiyuswat ti kampania a KOLEKTA (Konserbasyon at Organisadong Likom ng Establisimyento at Komunidad para sa Tamang Aksyon sa Pagtapon ng Mantika) a panggepna nga ital-o ti umno a panagkolektar ken panangibelleng iti “used cooking oil” ken dadduma pay recyclable materials.
Daytoy ket tapno maaywanan ti aglawlaw ken maliklikan ti pannakapullat dagiti pagayusan iti danum.
Sigun kadagiti mangitaltal-o iti programa, ti saan a nasayaat a panangibelleng iti naaramat a mantika ket mabalin a mangitunda iti pannakapullat kadagiti kanal ken estero, a posible a mangitunda iti panaglayos ken polusion iti aglawlaw.
Maisayangkat ti Used Cooking Oil and Recyclables Collection Event inton Agosto 15, 2026, nu sadinno maguygoyugoy dagiti umili, establisimiento, ken komunidad nga itugot ti nakolektar nga “used cooking oil” ken recyclable materials para iti umno a panangiproseso ken recyling.
Panggep iti inisiatiba a pagtalinaeden a nadalus dagiti pagayusan iti danum ken aglawlaw, maliklikan ti polusion, ital-o ti umno a waste segregation at recycling, ken itandudo ti nataltalged ken sustainable community.
Maguygoyugoy ti publiko a makikaykaysa iti kampania kas paset iti nalawlawa nga adbokasia para iti panangaywan iti aglawlaw iti siudad ti Baguio.
