Opisial a nagleppas ti Top Level Management Conference 2025,a mangmarka iti agtultuloy a dominasion ken gapuanan para iti Bombo Radyo Philippines.
Ti nasao a Conference ket naurnong dagiti nangato nga opisial, area manager, ken station managers nga indauluan ti Bombo Radyo Philippines a ni Dr. Rogelio M. Florete, karaman ti Presidente ken Chief Executive Officer a ni Ms. Margaret Ruth C. Florete nga addaan iti tema a “LEADER OF UNMATCHED INNOVATION IN RADIO REVOLUTION.”
Tampok ditoy ti network, panagkumit a mangipaay iti superior programming, content ken naisangsangayan a brand ti serbisio publiko.
Ti makalawas a brainstorming sessions ket nangipaay iti plataporma para kadagiti lider ti Bombo Radyo tapno pagsasaritaan dagiti estratehia ken dagiti baro nga ad-adda pay a mangpasayaat iti network’s programming ken operational excellence.
Dagiti pannakaawat ken adal manipud iti komperensia ket panggepna a pabilgen ti dagiti opisial iti network a mangidanon iti mision ti Bombo Radyo a mangipaay iti mapagtalkan a damag ken umiso nga impormasion kadagiti Pilipino iti sangalubongan.
Ti nasao a coference ket panangrambak pay iti panangidaulo iti network kas mapagtalkan a radio network iti Pilipinas a napaneknekan ti tallo nga independent surveys kas iti Tugon ng Masa (TNM) Fourth Quarter Survey iti OCTA Research a naipatumpal manipud idi November 10 angingga 16 idi napalabas a tawen.
Maibasar iti survey kadagiti 1,200 a respondents, naipablaak a ti Bombo Radyo ti kaykayat dagitoy a pagtaudan dagiti damag ken impormasion kadagiti nataengan a Pilipino.
Kabayatanna, nabigbig ti Bombo Radyo kas mapagtalkan unay a radio network, kanayon a makagun-od iti nangato a panagtalek iti kategoria ti radio babaen iti Pahayag End-of-the-Year Survey ti Publicus Asia, Inc.
Malaksid iti dayta, ti Bombo Radyo ti kangrunaan a pagtataudan ti mapagtalkan a damag ken impormasion maibasar iti survey ti Philippine Information Agency’s National Survey on Media and Information Literacy of Filipino Youth.
Ti Top Level Management Conference 2025 a naangay iti Siudad ti Iloilo manipud iti Enero 5 agingga 11, 2025 ket pinunduan ti Bombo Radyo Philippines.
Insigurado met ti Bombo Radyo nga awan ti political sponsorships wenno na nasolicit tapno maipaay ti gastos iti event, agraman ti taraon
ken logistics.
Ti dedikasion ti Bombo Radyo Philippines iti journalistic integrity, innovation ken ti pannakipaset ti komunidad ket suportado ti tallo pulo ket dua a digitalized AM ken FM stations a mangsaklaw iti Luzon, Visayas, ken Mindanao.
Kabayatanna, babaen iti panangititipon iti sirib ken ti hands-on expertise kadagiti frontliners daytoy.
Naituding nga agtalinaed a Numero Uno ti Bombo Radyo Philippines a mapagtalkan unay a Radio Network iti pagilian. Basta Radyo… BOMBO!
