--Ads--
BAGUIO CITY – Pimmusay ni Benguet Congressman Nestor Bagtang Fongwan Sr. gapu iti komplikasyon iti kidney daytoy.
Kinumpirmar ni Benguet Governor Melchor Diclas ti nasao nga impormasyon iti panakiyuman ti Bombo Radyo Baguio.
Sigun kenkuana, nagpa-agas ti kongresista iti National Kidney Institute sadiay Quezon City.
Kabayatanna, naisangpeten metten iti pagtaenganda sadiay Guadayan, Puguis, La Trinidad, Benguet ti bangkay ti kongresista.
Naamuan kenni Benguet Board Member Nestor Fingwan Jr. a maimassayag ti bangkay ti amada iti siyam nga aldaw.
Kabayatan ti lamay, maisayangkat ti misa, eulogy ken dadduma pay.
Maipalagip a pimmusay ti nabigbig nga Action Man ti Benguet iti tawenna a 68.
