Inaklon ni Interior and Local Government Secretary Jonvic Remulla a dakkel a karit kadakuada ti koneksyon ni Atong Ang kadagiti nagduduma a lebel ti gobierno iti pagilian.
Sigun kenni Remulla, daytoy ti kangrunaan a karit kadakuada iti pannakaarestar daytoy.
Marigatan metlaeng dagitoy a mangsapol iti mapagtalkan a mangbirok kenni Ang, gapu iti kinaado ti kuarta ti nasao a negosiante.
Kabayatanna, nangiyuswat dagiti otoridad iti operasyon kadagiti 18 a posible a lokasion ni Ang iti napalabas a 20 nga aldaw.
Sigun kenni Remulla, posible nga adda paylaeng ni Ang iti pagilian wenno Cambodia.
Innayon daytoy nga adda itan sadiay Cambodia ti liaison para iti gobierno ti Pilipinas, tapno matiliw ti fugitive gambling tycoon.
Maipalagip a naidiaya ti P10-million a gungguna iti siasino a makaipaay iti impormasion iti lokasion ni Ang a mangitunda iti pannakaarestar daytoy.
