BAGUIO CITY – Agtultuloy ti konstruksyon dagiti nagduduma a parapubliko a pagadalan ditoy rehiyon Cordillera.
Iti panakiyuman ti Bombo Radyo kenni Georaloy Palao-ay, information officer ti Dep-Ed Cordillera, kinunana a gapu iti umad-ado a bilang dagiti estudyante ket kasapulan nga adda dagiti kanayunan a pasdek dagiti pagadalan.
Kinunana a karaman metlaeng iti daytoy ti kurang a pasdek nga aramaten dagiti adda iti Senior High School.
Gapu iti daytoy, kinunana nga iti panagrugi ti klase ita nga School Year 2018- 2019 ket saan metlaeng a maliklikan nga ada ti konstruksyon a maipatpatungpal kabayatan ti klase dagiti estudyante.
Kabayatanna, innayonna nga inton Mayo 28 ket ada ti maipatungpal a taripnong sadiay Apayao seknan kadagiti parikut a sangsanguen ti Dep-Ed gapu iti konstruksyon dagiti kanayunan a pasdek.
Kinuna ni Palao-ay a dar-ayan daytoy dagiti opisyal ti Dep-Ed, DPWH kenni Environment Secretary Roy Cimatu.
