--Ads--
BAGUIO CITY – Manamnama a marugian sakbay ti masungad nga eleksion ti konstruksion ti baro a rangtay sadiay Pines Park, Balili, La Trinidad, Benguet.
Maibasar iti plano, agtalinaed daytoy a single lane ken agtalinaed ti sigud a disenyo ti rangtay.
Sigun kenni Balili Punong Barangay Billy Bilanggo, daytoy ti nakedngan a plano a masurot iti konstruksion iti naangay a konsultasyon itay laeng nabiit.
Kinunana a saan a napatgan ti immuna a plano a panakapalawa ti rangtay gaputa adda dagiti maapektaran a residente sadiay, partikular dagiti agnanaed iti entrance ken exit ti istruktura.
Iti agdama, mapappapartak met ti panakaisimpa ti Program of Work ti proyekto tapnu marugianen ken saan a madanunan ti election ban.
