BAGUIO CITY – Mangrugi ita nga aldaw ti pannakaimplementar ti traffic plan mainaig iti manarimaan a Balili Bridge Construction sadiay La Trinidad, Benguet.
Maibasar iti damag, agbalin a one way traffic ti Balili Bridge nga agturong ditoy syudad ti Baguio manipud alas sais ti agsapa aginggat alas nuebe ti rabii.
Malaksid iti dayta, agbalin a one way traffic ti nasao a rangtay iti “Stop and Go, Proceed when it’s clear” manipud alas nuebe ti rabii aginggat alas sais ti agsapa.
Agserbi kas alternatibo a dalan para kadagiti light vehicles nga agturong sadiay Cruz-Shilan ti Pines Park paruar sadiay Tawang bayat a dagiti heavy vehicles ket mapalubusan a magna iti Beckel Road ken dagiti agturung ditoy syudad ket mabalin a magna iti Lamut, Beckel Road wenno vice versa
Awan ti mapalubusan a sumrek iti Tawang Road malaksid kadagiti residente ti Tawang.
