BAGUIO CITY – Tinagiragsak dagiti residente ti Loacan, Baguio City ti libre a panagpasyarda idiay Mt. Camisong, maysa kadagiti nalatak a tourist destination iti probinsiya ti Benguet.
Naipayaan dagiti residente iti gundaway nga agpasyar iti Camisong Forest Park ita laeng nga aldaw, Oktobre 15, a saanda a kasapulan nga agbayad iti entrance fee.
Ti libre nga entrance fee ket impaay ti Mt. Camisong para laeng kadagiti residente ti Loacan kas paset ti panangrambakda iti Loacan Day.
Kasapulan laeng a mangipakita dagitoy iti ID kas pammaneknek a residenteda iti Barangay Loacan.
Tampok iti nasao a forest park ti nalatak a glass walk, nalawa a trail, napipintas a landscape, lokal a produkto ken dadduma pay.
Agserra ti nasao a forest park iti alas- 8 ti rabii ita metlaeng nga aldaw.
