Dumanon ti agarup P150,000 ti maatap a natakaw iti maysa a kooperatiba iti BGH Compound iti siudad ti Baguio ita nga aldaw.
Iti pannakiuman iti Bombo Radyo Newsteam iti pulisya, posible a napasamak ti insidente iti parbangon ita nga aldaw, Nobiembre 4, 2026.
Sigun iti maysa nga opisyal, dua a lalaki ti maatap a nangserrek ti nasao nga establisimiento.
Maibasar iti inisial nga imbestigasion, maatap nga immuli dagiti suspek iti bubong iti maikatlo a kadsaaran sakbay nga inabutan ken bimmabada iti maikadua a kadsaaran a pakasarakan iti opisina iti kooperatiba.
Pinilitda a nilukatan ti wooden door babaen iti crowbar wenno kabra.
Innayon pay ti pulisya a pinusipus pay dagiti suspek dagiti CCTV cameras a naimuntar iti uneg iti opisina ken hallway ti nasao nga establisimiento.
Kabayatanna, iti eksklusibo a pannakiuman ti Bombo Radyo Newsteam kenni Nomer S. Quijon, Kagawad iti nasao a barangay, kinuna nga agarup uppat agingga lima a lallaki ti naalaan iti CCTV camera iti oras iti 11:30 PM idi Nobiembre 3 nga adda iti kalsada nu sadinno maatap a maysa kadakuada ti nagserbi kas look out.
Mapapati a nagaramat pay dagitoy iti lugan a maris gray.
Maaatap a nagtaud iti ngato a paset iti BGH compound sakbay a bimmaba ti sumagmamano kadakuada ken immasideg iti establisimiento. Nupay kasta, saanen a naala iti CCTV camera nu kasano dagitoy a nakastrek iti uneg iti establisimiento.
Inlawlawag met iti opisial a posible a saan a dagos a namonitor ti insidente gaputa adda ti malamlamayan iti nasao a barangay.
Impetteng ti pulisya a manarimaan paylaeng ti imbestigasionda iti napasamak a krimen pakairaman ti panagreview kadagiti CCTV camera nga adda iti asideg iti nakapasamakan iti insidente para iti panangbigbig kadagiti suspek.
Nagturong metten ti SOCO iti lugar para iti pannakaiproseso ti crime scene.
Maaatap a nagtaud iti ngato a paset iti BGH compound sakbay a bimmaba ti sumagmamano kadakuada ken immasideg iti establisimiento. Nupay kasta, saanen a naala iti CCTV camera nu kasano dagitoy a nakastrek iti uneg iti establisimiento.
Inlawlawag met iti opisial a posible a saan a dagos a namonitor ti insidente gaputa adda ti malamlamayan iti nasao a barangay.
Impetteng ni Police Major Minas a manarimaan paylaeng ti imbestigasionda iti napasamak a krimen pakairaman ti panagreview kadagiti CCTV camera nga adda iti asideg iti nakapasamakan iti insidente para iti panangbigbig kadagiti suspek.
Nagturong metten ti SOCO iti lugar para iti pannakaiproseso ti crime scene.
