Agap-apela ti Tabuk City Police iti publiko a makikoordinar dagitoy nu ammoda ti suspek iti napasamak a panakapapatay ti 63-anyos a welder sadiay barangay Casigayan itay nabiit.
Sigun kadagiti otoridad, dakkel a tulong ti koordinasyon dagiti umili iti nasao a banag para iti panakatalinaed ti seguridad.
Maibasar iti report, agin-inana ti biktima iti sango ti welding shop idi kellaat a nagsardeng ti maysa a motorsiklo a nakaluganan ti dua nga indibidual ken ditoy a pinaltuganda daytoy.
Nangiruar met ti insan ti biktima maipapan iti pakabigbigan dagiti suspek nu sadino dagitoy ket nakaaramat iti motorsiklo nga awanan iti plate number, ti drayber ket nakaaramat iti green a t-shirt ken blue a jogging pants nga adaan iti stripes bayat a ti shooter wenno ti angkas ket nakaaramat iti pink t-shirt, nakausar iti baseball cap ken blue shirts.
Mapatta-patta a dagiti suspek ket nagturong sadiay Dagupan Centro.
