SABLAN BENGUET – Agtaltalinaed a parikot ti Sablan Municipal Fire Station ti kurang ken daan a fire truck dagitoy
iti interview ti Bombo radyo Baguio ken Sablan BFP Fire Marshal Inspector Rivera Olas, inaklonna nga agkurkurang ti kagawaanda ngem nakasaganada latta a mangipatungpal iti mandatoda tunggal operasion dagitoy.
malaksid iti dayta, imbinglayna a maysa ti Baguio City a pagkamkamanganda tunggal adda ti dakkel nga uram sadiay gapu iti kinakurang ti aramatenda a kagawaan kas iti nadadael a firetruck dagitoy.
iti baet ti dayta, tinagiragsakna latta ti awan unay a bilang ti mailislistada a kaso ti uram iti masakupan dagitoy
VC OLAS 1 (Fire Marshal Inspector Rivera Olas, Sablan Fire Station)
Kabayatanna, ururyaenda paylaeng ti sungbat ti Bureau of Fire iti kiddaw dagitoy ken ti lokal a munisipyo ti Sablan para iti baru a firetruck ken dadduma pay a kagaawaanda.
Inaklonna a nagkiddawda pay iti panakaipasdek ti kanayunan a substation dagitoy sadiay Sablan gaputa adayu dagiti babbarangay sadiay a maysa a parikotda ken nabuntog a panagrespondeda iti kanito nga adda ti mapasamak nga uram.
gapu iti dayta, kiniddawna met ti panag-annad ken panagsurot dagiti umili sadiay iti umno nga wagas tapnu maliklikan dagiti mangituntunda iti aniaman a klase ti uram.
VC OLAS 2 (Fire Marshal Inspector Rivera Olas, Sablan Fire Station) )
