--Ads--
Nirambakan ti Kuriga, Nigeria ti panakaispal ken panakaisubli dagiti estudyante ken staff kalpasan ti panakakawtibo dagitoy ita a bulan.
Maipalagip nga idi Domingo ket in-anunsyo ti militar ti nasao a pagilian a naispalda ti 137 a hostage a bukbuklen ti 76 a babbai ken 61 a lallaki.
Sigun kadagiti estudyante, kinasapulanda ti agmarcha iti kabanbantayan iti nasurok dua a lawas, ti pananganda ti saan unay a naluto a makan ken ti panakaipaayda ti narugit a mainum.
Naragsakan met dagiti nagannak a nangkita manen iti anakda kalpasan ti panakapukaw dagitoy.
Nu pay kasta, kiddawda iti gobyerno dagitoy ti panakadeploy dagiti otoridad iti lugarda tapno adda a maipasigurado ti kinatalged ken kappia iti nasao a lugar.
