BAGUIO CITY–Naibilang ti La Paz kas Most Improved Muncipality sadiay probinsya ti Abra ken Top 20 Most Improved iti 3RD to 6TH Class Municipality iti intero a pagilian.
Maibasar iti report ti DTI para iti Cities and Municipalities Competitiveness Index, nailista kas maika- 148th ti La Paz kadagiti 3rd agingga 6th class municipalities iti intero a pagilian manipod iti 641 a ranggo daytoy idi tawen 2019.
Impannakel met daytoy ni La Paz Mayor Ching Bernos ken impasiguradoda ti ad-adda pay a panagdur as ti munisipyo dagitoy ken pannakaingato ti ranggo dagitoy nu idilig kadagiti competitive municipalities iti pagilian.
Kinuna ni Bernos a mangipakpakita laeng daytoy iti panangipangrunada iti pagsayaatan dagiti Lapazeños kagiddan paylang iti mapaspasaran a pandemya.
