La Trinidad, Benguet- Nakumpleton ti line-up ti Benguet Basketball team a makibalubal iti maikadua a gundaway kontra iti PBA Motclub intun Marso uno ken mabuya a libre idiay Benguet Sports Complex Gymnasium.
Dagiti players a mangibagi iti Benguet Team ket napili manipod iti sangapulo ket tallo a bunggoy nga agay-ayam iti manarimaan a Congressman Eric Go Yap Congressional Basketball League.
Ti bunggoy ti Benguet ket manayunan ti dua a sigud a PBA players a nagbalin a miembro ti Philippne National Team a Gilas Pilipinas.
Saan a nainaganan dagiti dua a dati a proffesional basketball players tapno agserbi kas sorpresa kadagiti mapan agbuya.
Buklen ti Benguet team da La Trinidad players Will Kean Lee ken Bryan Gravilez, Kim Padawag ken Lenz Antolino ti Itogon. Cyril De Vera ti Tuba.Karaman pay ditoy dagiti agkabsat a da Japet and Kong Buenaventura ti Bokod.
Nailista pa ditoy da Kyle Naisod ken Yzer Neil Palispisti Kabayan. Agsubli iti line up da Kurt Tamiray ti Atok ken Nic Menzi ti Tublay.
Baro iti listaan da Rudolf Eilinger ti Kapangan, Lindon De Guzman ti Mankayan, Jerry Olsim ti Buguias, ken and Bakun guard a ni Ryan Contada.
Iti sabali a bangir, buklen ti PBA Motoclub dagaiti nalalataka players kas kada Jayjay Helterbrand, Rico Maierhofer, Ranidel De Ocampo, Alex Cabagnot, Gary David, Cyrus Baguio, KG Canaleta, Yancy De Ocampo, Jerwin Gaco, ken Ryan Araña.
