Kinautibo ti maysa a padre de pamilya idiay Cebu City, ti asawana ken dagiti annakda tapno usarenna a mangsalaknib iti bagina kontra kadagiti tattao nga agtarigagay a mangpapatay ken mangdangran kenkuana.
Sigun kadagiti otoridad, kinautibo ti 42-anyos a suspek ti bukodna a pamilya iti balayda sadiay Barangay Tisa, Cebu City, kalpasan a tallo nga aldaw a saan a naturturog gapu iti panagusarna ti droga.
Nupay kasta, balligi a naispal dagiti asawana ken ti annakda, kalpasan ti negosasion dagiti polis.
Iti police station, nakakatkatawa nga inaklon ti suspek a tallo nga aldaw a saan a makaturog gapu iti panagaramatna iti illegal a droga, a mapapati a nangapektar iti panagpampanunotna.
Nupay saanen a plano ti pamiliana ti mangipila ti reklamo, plano dagiti polis nga idarum ti nasao a suspek.
